Namaste doston! Subah ki bhaag-daur mein aksar samajh nahi aata ki kya nashta banaye jo jaldi bhi bane aur healthy bhi ho. Aaj main aapke saath ek aisi hi recipe share kar rahi hoon – Suji Uttapam. Yeh na sirf swadist hai, balki poshan se bhi bharpoor hai. Toh chaliye, shuru karte hain!
Samagri (Ingredients):
1 cup Suji (Rava)
½ cup Dahi (Yogurt)
1 barik kati hui Pyaaz (Onion)
1 barik kati hui Shimla Mirch (Capsicum)
1 barik kata hua Tamatar (Tomato)
1-2 barik kati hui Hari Mirch (Green Chili)
Thoda sa barik kata hua Hara Dhaniya (Coriander leaves)
Namak swadanusar (Salt to taste)
½ teaspoon Rai (Mustard seeds)
½ teaspoon Jeera (Cumin seeds)
Paani (Water)
Tel (Oil) – Uttapam senkne ke liye
Banane ki Vidhi (Step-by-step Recipe):
Step 1: Batter Taiyar Karein
Sabse pehle ek bade bowl mein suji aur dahi ko mix kar lein. Ismein thoda-thoda paani dalkar ek gaadha ghol taiyar karein. Ghol ko 15-20 minute ke liye dhak kar rakh dein taaki suji phool jaye.
Step 2 : Sabjiyan milayein
15-20 minute baad, batter ko check karein. Agar gaadha (thick) ho gaya hai, toh thoda aur paani dalkar dosa batter jaisa consistency banayein. Ab ismein kati hui pyaaz, shimla mirch, tamatar, grated adrak,hari mirch, hara dhaniya, namak, dalkar achhi tarah mix karein.
Step 3: Uttapam Banayein
Ek non-stick tawa garam karein aur uspar thoda sa tel lagayein. Ab tawa par ek bada chammach batter dalein aur use dosa jaisa patla nahi, balki thoda mota phailayein.
4Step 4: Senkein aur Paltein
Dheemi aanch par uttapam ko pakne dein. Jab kinare thode sookhne lagein, toh thoda tel upar se dalein aur uttapam ko palat dein. Dusri taraf se bhi sunhera hone tak senkein.
